Öpfelrächner

Club assuraplus Rabatt bei Discountlens

2010-03-01T01:14:00.002+01:00

15% Rabatt uf die erst Bestellig

5% Rabatt uf nachträglichi Bestellige

www.discountlens.ch

Vom Rabatt profitiere chammer, wenn mer bi de Bestellig de Code Assura mitgit.

Schnäll tippe ... i muen wohl no bitz üebe

2009-05-09T21:22:00.001+01:00

i mag öpfel

2009-03-03T00:22:00.001+01:00

42%

Geo Pic Game uf Picasa :)

2009-01-16T01:18:00.006+01:00

Uf Picasa git's es Geografie Foti Rate Spieli wo würkli Spass macht. Min Highscore isch zur Ziiit: 1929 2100 2625

und am Samstig heissts wieder uf Pro7 SCHLAG DEN RAAB - Döt git's ja zum Teil au so Spieli

Snowboarde uf de Wii isch gföhrlich

2008-12-10T22:31:00.001+01:00

Shaun White mit Balance Board game isch also scho no lässig. Nur sött mer derbii nöd übertriiibe. Bis i äntlich d'Halfpipe frei gschaltet kah han, hät mer's chnüü dermasse weh gmacht, das i bereits wieder de Rücktritt vo de Snowboard Game Zone ha müesse gäh.

Inzwüsched bini nachere Wuche au zum Arzt - ja ha ziemli Schmerze kah - de Meniskus hät sich gmolde.

Bim Unfallmäldigs Formular usfülle hät i am liebschte e "Mobiliar" Skizze gmacht.

S'bescht isch ja, das i tatsächlich nöd der einzig bin, da hät's doch tatsächlich no eine verwütscht wo einiges meh Sport triiibt wie ich !!

Mieser Trick - Achtung Fake Google Mail

2008-05-06T09:32:00.004+02:00

Update Your Billing Information Mail von Google AdWords Fake e-mail Adresse mit dem versteckte Link http://adwords.google.com.f0c0b0.cn/select/Login/
Wär sich da iloggt, sött am beste so schnell wie mögli sis Google Passwort ändere !!!

So gseht s'mail us:

From: Google AdWords [mailto:reactivation@google.com]
Sent: Dienstag, 6. Mai 2008 09:17
To: ...
Subject: Update Your Billing Information.

-----------------------------------------------------------------------------------

Dear Google AdWords Customer,

We were unable to process your payment.
Your ads will be suspended soon unless we can process your payment.
To prevent your ads from being suspended, please update your payment information.

Please sign in
to your account at http://adwords.google.com/select/login,
and update your payment information.

-------------------------------------------------------------------------------
This message was sent from a notification-only email address that does
not accept incoming email. Please do not reply to this message.
-------------------------------------------------------------------------------
Thank you for chosing Google Adwords

Jetzt han i doch voll Masere zum zweite Mal ...

2008-04-30T22:07:00.003+02:00

überall staht einiges wäg dere vermeintliche Immunität wo mer hät, nachdem mer Masere gimpft oder sälber live kah hät.

So gemäss mim Impfbüechli und Notize vo der Mamma, han ich Masere 1980 kah, und im 1990 bini au no dergäge gimpft worde (Masere, Mumps, Rötele Cocktail).

Und hüt hani bscheid übercho vo de Laboruntersuechige. MASERN voll Gas verwütscht. Zurziit biiiists mi ja nur no und die schwach sichtbare fläckli im ganze körper störed mi ja au nöd würkli, bin aber brutal gförli für anderi und drumm dehei in Quarantäne.

Am Fritig wieder Arzt Termin und denn mal luege ob i chan gah ga schaffe ;)

voll debiii und zmitzt drinn :)

2008-04-16T07:38:00.004+02:00

find das bildli echt glunge ... vorfreud stiegt und stiegt.

Bildli isch zum druuuf klicke und als Desktop Hintergrundbild super guet z'bruuuche, und denn bisch au du zmitzt drinn :)

nöd würklich beruhigend ...

2008-04-16T07:30:00.004+02:00

... das mit dene Gägeständ wo um euis ume kreiset. Meh und au würkli schöni Bilder git's uf de ESA Multimedia Siiite.

Super übersetzigs Tool für de Firefox

2008-03-30T21:46:00.002+02:00

Mit dem Teil chammer schnell öppis markiere und scho hät mer d'übersetzig oder d'beschriebig vo Wikipedia. Würkli genial das Teil. Meh infos gits da.

Orbit i-EX 08 - Zürich - Gratis Tickets

2008-03-27T16:47:00.003+01:00

Gratis Tickets für alle von Digicomp, viel spass damit ;) und jetzt au vom Brack (15.04.2008)

Nach langem teste und spiele mit em iPhone ...

2008-03-19T23:24:00.005+01:00

gits wieder mal was vo minere siite :) ziemlich iphone laschtig logischerwiiis.

muen säge das mer s'iPhone super spass macht. de nachteil isch halt das en huuufe ziit druff gange isch, bis es ändlich als natel bruuchbar gsii isch. d'software zum alles freischalte isch sehr komfortabel und eifach, min favorit isch iplus. Nach em freischalte muen mer denn no all die tools finde wo mer bruuucht, damit's die übliche natel funktione au hät.

zurziit installiert (d'reiefolg wie's im installer unter uninstall erschiene tuet):

weTool 0.39
English-German 2.4.2
OALD 2.4.2.1
Backgammon 2.3.1
FiveDice 0.8.8.b
iGo 1.6
iSolitaire 0.81
Labyrinth 1.0.5
Mines 1.0
Othello 1.2.1
Sudoku 1.0.2
CameraPro 1.12 (funktioniert zur ziit nöd mit 1.1.4)
MobileScrobbler 1.4.2
Pushr 0.6.1
ShowTime 1.12b
VoiceNotes 0.31 beta
Books 1.3.7.1
MobileFinder 1.8.0
MobilePreview 0.1.0
weDict 0.9
Bigboss's Beta/Experiment ... 1.1.1
Bigboss's Recommended ... 1.50
Community Sources 3.7
SwirlyMMS 0.3.6
BSD Subsystem 2.1
Installer 3.0.1
OpenSSH 4.6p1-2
SummerBoard 3.2
Term-vt100 svn198
Battery Info 1.0
BossPrefs 1.56
BossPrefs Scrobbler... 1.10
DropCopy 0.461
Insomnia 1.0
PDFViewer 0.03
SysInfo 1.0b

aruef abwiese:
Wichtig isch denn au das mer weiss wie mer en aruef chan abwiese oder s'lüte verstumme lah!! Wenn's lütet mues mer nämlich:

1 mal uf ischaltchnopf drucke = klingelton verstummt
2 mal uf ischaltchnopf drucke = aruef wird abgwiese

Nur wenn s'iPhone nöd im Standby isch chammer konfortable über touchscreen uswähle ob mer's anäh wött oder nöd.

international abgleiti Nummere im Adrässbuech werded nöd erchännt, ohni fix:
Normalerwies tuet mer ja d'nummere im internationale format abspeichere, wie z.B. +41 44 412 11 11, das schnallt s'iphone nöd gad uf anhieb, das heisst wenn öpper alütet wird d'nummere nöd automatisch erkännt. Aber zum Glück gits au da derzue e lösig, für iPhone baschtler (funktioniert bi mir au mit 1.1.4). Muen mer bitz was überschriebe und ine kopiere, unter dem pfad uf em iPhone: /System/Library/Frameworks/AppSupport.framework/

Fotiapparat:
Wenn i es foti mache wött, bruuch i immer beid händ derzue, mit einere hand triff i de chnopf nöd rächt oder s'iPhone gheit mer fasch us de händ. D'fotene gsehnd bi tagesliecht tiptop us.

Fazit:
Muen's nomal säge: s'iPhone isch nur würkli lässig für baschtler ... all andere wo eifach nur demit telefoniere wänd, lönds gschieder bliebe.

Fuessball mal anderst ...

2008-02-26T00:19:00.002+01:00

Wow Charteverfolgig bi der Mythenregion

2008-02-10T22:54:00.000+01:00

Das macht ja spass, z'erst mal bi schönstem wätter ga carve und dänn erscht no bim günstigste für Familie mit Chind :) das findet mer ca. 30 minute vo züri: Mythenregion !!! Ganz speziell isch aber d'Charteverfolgig, da chammer ga ga luege wie viel mal mer welle lift gno händ, mit agab vo total höhemeter und uhrziiite. Ich han d'Serienummere 357-55-29246 kah, für die wo das gschnäll wänd usprobiere !!! De 357-55-29001 gits übrigens au, und de isch also scho rächt frühe dobe gsiii :))

s'bewertigs system vo mim blog scho gseh ?

2008-02-09T00:07:00.001+01:00

han das teil, unter jedem posting, vo outbrain mal i miiiim dialäkt übersetzt ;) mit dem teil chasch super schnell und eifach en post bewerte.

vielicht hät ja sus no en blogger luscht das izsetze, isch übrigens gratis :)

falls öpper mit de übersetzig nöd so zfriede isch, am beste mittels kommentar mitteile, danke !!

Piclens isch also ganz e schös addon für de browser

2008-02-09T00:03:00.000+01:00

So macht bilder luege spass mit em browser :) gits übrigens nöd nur für firefox das addon ! am beste eifach nach piclens google

GUEST VOIP (SIP) + FRING

2008-01-15T22:33:00.000+01:00

Mit Guest-Voip.ch chasch e chosteloosi festnetz telefon nummere ha. Fring.com bütet es software telefon ah, unter anderem au für ufs natel.

Han das ganze vorher gad mit em Siemens Fujitsu Pocket Loox N520 testet.

Chammer beruhigt wiiiterempfehle :)

03.02.2008: danke snoopy für din kommentar. Ich nimm das beruhigt wiiitermempfehle wohl lieber zrugg. So als zweiti nummere warum nöd :)

UNO Boom-O oder Boomo

2008-01-06T01:12:00.000+01:00

Es Chartespieli wo mer würkli chan empfehle, schnäll und luschtig, mir händs z'sächste gspielt :) Testbricht uf ciao

So wie's usgseht, wird's nümm hergstellt und drumm schwer z'finde i de Läde !!

Braun - Zufrieden oder Geld zurück

2008-01-06T00:25:00.000+01:00

Han en Braun Trocherasierer Series 7 720 kauft, aber au nur will's gad e Gäld zrugg garantie kah hät. Das Ding chostet stolzi 369.- CHF bim Media Markt. Nach em zweite mal rasiere han en scho ufgeh kah ... das Teil isch eifach z'weni gründlich für de Priiis !!! Chan ja nöd siii, das i nach em trocherasiere au no nass rasiere muen :(

Han denn au gad de Chundedienst vo Braun Schwiiiz über d'Braun.com Page kontaktiert, ha welle wüsse wo ich das Teil chan schicke. D'Antwort isch denn vo Procter & Gamble Service GmbH cho:

Derzeit bieten wir in der Schweiz keine "Geld-zurück-Garantie" an.

Han mi natürli gad Vertrauensvoll am MediaMarkt gwändet, die händ mer denn d'adrässe gäh wo ich's herä schicke söll. Und sogar no es Prospektli gschickt:
Jetzt nimmt mi no wunder was die vom Chundedienst derzue meined, nachdem sie ja behauptet händ, das ke söttigi Garantie ume seg. Söttigs dörf ja nie passiere !!!

Da no en Testbricht zu dem Rasierer, hät i de vorher gseh, hät i das Teil scho gar nöd kauft.

De MediaMarkt hät mi also rächt positiv überrascht, sie händ mis mail sehr schnell beantwortet und d'Beratig isch um einiges besser worde.

Unglaublichi Antwort vom 7.1.2008:

Sehr geehrter Herr,

vielen Dank für Ihre Rückmeldung.

Uns ist in unserer Antwort ein Fehler unterlaufen und wir bitten, dies zu entschuldigen.

Sie erhalten einen Rabatt in Höhe von 50 CHF beim Kauf eines Braun Series 7 und Braun Series 5 mit Reinigungsstation im Aktionszeitraum 01.11.07-05.01.08. Sie füllen den Coupon vollständig aus, trennen die Original Braun Registrierkarte aus der Bedienungsanleitung, kopieren den Kassenzettel und senden diese Unterlagen an folgende Adresse:

MS Mail Service AG
Postfach
9029 St. Gallen.

Wir hoffen, diese Information hilft Ihnen weiter und bedanken uns für Ihr Verständnis.

Mit freundlichen Grüßen

Verbraucherberatung
Procter & Gamble Service GmbH

So jetzt händs es ändlich cheggt (17:29 7.1.08):

Sehr geehrter Herr,

vielen Dank für Ihre Nachricht. Wir bitten nochmals unseren Fehler zu entschuldigen.

Wir bieten für dieses Gerät eine 30-Tage-Geld-zurück-Garantie an. Sind Sie also nicht 100%ig zufrieden, erstatten wir Ihnen innerhalb der ersten 30 Tage ab Kaufdatum den vollen Kaufpreis.

Um die Garantie in Anspruch zu nehmen, senden Sie das Gerät bitte ausreichend frankiert in der Originalverpackung mit dem Originalkaufbeleg unter Angabe Ihrer vollständigen Anschrift und Bankverbindung an folgende Adresse:

MS Mail Service AG
Postfach
9029 St. Gallen

Die Summe wird dann in vier bis sechs Wochen auf das angegebene Konto überwiesen.

Haben Sie weitere Fragen? Dann zögern Sie bitte nicht, uns anzurufen. Sie erreichen uns gebührenfrei unter unserer Rufnummer 00800 272 86 463 von montags bis freitags zwischen 8 und 18 Uhr.

Wir wünschen Ihnen einen schönen Tag!

Mit freundlichen Grüßen

Verbraucherberatung
Procter & Gamble Service GmbH

Han s'gäld äntlich übercho, nachdem i mal schüch per telefon agfrögt han (6.2.08):

Für all Papis und aber au Mamis ...

2007-12-23T00:51:00.000+01:00

Wachstumsanalyse chammer bi willi-will-wachsen.de gratis mache! Mit Grössi in cm und Gwicht i Kilo plus Messdatum, chasch der au so e Wachstumskurve uselah.
Eusi Tochter söll anschienend um di 1.70 Gross werde ;)

Gmail + RTM - H A M M E R !!!

2007-12-20T00:44:00.000+01:00

RTM im Gmail integriert isch de absoluti hammer. Demit mer das so chan nutze brucht mer en Account bi RTM und Gmail natürli, plus Firefox mit super special plugin. > Aleitig < 24.1.2008: Funktioniert nur mit English (US) Version von Google Mail ! Kann man in den Einstellungen auswählen.
10.2.2008: Ui was hät mi denn da g'ritte so uf hochdütsch ga schriebe !!!

15 Festplatte z'verschänke - wua.la

2007-12-19T22:40:00.000+01:00

die erste 15 wo en kommentar mit agab vo mail adrässe postet, chömed e "online" festplatte über bi wua.la :) am afang isch sie "nur" 1GB, chan aber mit de Ziit immer grösser werde, und das GRATIS !!

ou ou mac mini mit crash hd in betrieb ...

2007-12-16T01:32:00.000+01:00

oje oje wenn das nur guet chund. Min mini mac hät die berüehmti crasch harddisk vo seagate ibaut :(( siehe !!

Modell: ST98823AS
Version: 7.01
Kapazität: 74.53 GB

Die HD isch übrigens au bi books ibaut. De System Profiler isch so nett und zeigt die details !!

Wird wohl öfters en backup mache müesse, danke apple :(( händs echt wäg dem uf em leopard d'time machine ?

Und das meint e berüehmti Ziitschrift zu dem Thema:

Sogar meh wie 90% verluscht i eim Monet !!!!!

2007-12-08T23:09:00.000+01:00

Super verantwortigsvolls unternehme :(( wo Spitzequalität bütet !!!!

Da wird sich wahrschienli jede fröge, wie chan e so nes unternehme nach 5 Jahr spitzequalität e soooo en grosse verluscht i nur eim Monet heifahre ??

oder isch das wieder e mal öpper wo mit em verwaltete vermöge abhaue will ?

Falls irgend öpper en tipp hät, was mer da so chan mache degäge, hät sicher es paaaar interessierti chunde vo Waterpool wo das gern wänd wüsse !!

De screenshot isch übrigens vo de Waterpool Homepage, hütigi stand.

En brutale taucher vo Waterpool

2007-12-06T07:00:00.000+01:00

5 Jahr alles prima, praktisch immer plus gmacht (devisehandel) und jetzt 90% wägg und s'änd vo me traum.

tragischi sach das :(

das zeigt wieder e mal wie schnäll s'chere chan i der hütigi ziiit, sogar bi sache wo mir als sicheri alag abgstämpflet kah händ.

Was mached mir nur falsch ?

2007-12-06T00:57:00.000+01:00

wieder mal e schös video

Gratis 1 Monät Mobile Internet ...

2007-11-28T22:55:00.001+01:00

Alli wo bi orangeclick sind, chönd vo dem agebot profitiere :) somit 5 stutz gspaart :) aber ACHTUNG usserhalb vo orange hät mer nur 2 MB zur Verfüegig !!
offizielli beschriebig vo orangeclick:

1 Monat kostenloser und unlimitierter Zugang auf Orange World (innerhalb der Schweiz), sowie auf Orange WAP, Internet und E-Mail-Dienste. Ausserdem erhalten Sie mit Mobile Internet ein monatliches Datenvolumen von 2 MB ausserhalb Orange. Für zusätzlich genutztes Datenvolumen berechnen wir Ihnen CHF 2.50/MB

Mit 72.95 CHF 2 GB statt 512 MB im Mini :)

2007-11-11T00:04:00.000+01:00

So han mi ändlich chöne überwinde, d'RAM's im Digitec und de Malerspachtel im Jumbo ga poschte ... vorher natürli einigi youtube filmli und aleitige über RAM upgrade bim Mac Mini duregluegt.

Han also rächt lang kah, bisi d'innereie gseh han vo mim mini, und denn isches los gange - s'fiiine schwarze käbeli vorne usstecke, da hani scho bitz mühe kah. Nachher sind d'RAM scho gliii dinne gsii und i bin am zämesetze, wo ich uf einmal s'Airport Kabel lose i de Händ ha ... zum glück han i nach es paar minüteli de stecker gfunde kah, wo das zeugs häre ghört, glück gha.

Wo ni dänn alles binenand kah han, ussert em ghüüüs de test: naja bitz luut, isch ja au ohni ghüüüs (han i dänkt) aber schnäller ischer gloffe und 2GB azeigt hätter au. jupi, schnäll ghüüüs druff und ui nei !!! de isch ja immer no so luuut gsiii. abegfahre und schnäll ga google was das söll. Und siehe da nach einige siiite vo me dütsche forum über s'gliich symptom staht:

vielfach werdi s'schwarze dünne käbeli vergässe zämezstecke !!!

das isch es doch au bi mir gsii, jetzt lauft er wieder tip top und ich bi jetzt sau schnäll im mini's usenander näh :)

Milchbüechli im Netz

2007-11-09T08:47:00.000+01:00

wieder mal was guets, für all wo s'milchbüechli online füehre wänd. en itrag chan über mail, messenger und twitter gmacht werde.
D'syntax isch sehr eifach

[usgab typ] [betrag] [notize zu der usgab]

Über Twitter gsehts denn so us:

d xpn Essen 8.60 Mittagessen in super edlem Restaurant

Im xpenser wirds denn schö zämezellt:

Mit cellity chammer denn übrigens für 0.15 CHF (verbindigschoste bi orangeclick) direkt en itrag vom Natel us mache.

Ha wieder mal zuegschlage

2007-10-21T23:06:00.000+02:00

und gwunne. Das mal e M-Budget Mobile SIM im Wert vo 19.80 CHF inklusive 15.- Stutz Startguethabe. Ähm ja, i weiss nöd e mal meh was für en Wettbewerb das gsii isch. Isch ja au egal ...

S'best, am 18.10.2007 han i die SIM per Post übercho. Im Begleitbrief staht denn, dass wenn ich mich bis am 15.10.2007 registriere täg und de ersti aruef oder sms gsändet hät, zuesätzlichi 30.- uf d'charte guetgschriebe überchum.

Bim registriere häts denn gheisse, dass die aktion verlängeret worde isch. Jupi natürli sofort s'erste SMS am 19.10.2007 gschickt.

Bis jetzt aber no ke Guetschrift gseh, Saldo aktuell 14.90 CHF !! 05.11.07 han i 30.- meh uf de charte :) ...

Firefox plugins

2007-10-18T23:35:00.000+02:00

Mit All-in-One gestures vom Marc Boullet chan mer mit em bewege vo de Muus, definierti funktione vo Firefox usfüehre, wie zrugg button oder neues tab, switch tab, printe usw. ... wenn eim die vorgähn i bewegigs variante nöd passt chan mer das ua ganz guet sälber apasse. So viel mer isch chan jedi Funktion mit irgendwelchne bewegige definiert werde. Würkli guet gmacht das Ding :)

Mit em Gmail Manager chammer X Google Mail Accounts ganz übersichtlich manage ... im Firefox hät mer denn es schös Briefli unde rächts mit de Azahl ungläsni mails. Wenn mer denn mit de Muus drüberfahrt, öffnet sich gad en Tooltip mit de beträff und bitzeli inhalt vo de ungläsne mails. Zum Glück funktioniert das au im Gschäft ;)

mit ZYB es Backup vom Natel mache und Outlook für immer ersetze

2007-10-10T12:07:00.001+02:00

Wow ZYB git Vollgas (Web 2.0) gseht aso wunderschööö us und isch mega praktisch ... funktioniert anschienend au bestens mit Google Calendar (für all die wo no kein Mac deheime händ) ich werde wiiiterhin min Kalender mit isync und ical wiiter synche.

Orangeclick uflade am SBB Billetautomat ? + 20%

2007-10-09T22:39:00.000+02:00

Mal luege evtl. isch mis Ablaufdatum wieder e mal i der Zuekunft ... wenn das Agebot da au für Orangeclick gilt :)

Werbig i der Heute Ziiitig vo hüt (ca. Siite 17)

Übrigens vom Orangeclick Support han i immer no nix ghört. Und mini Orangeclick Nummere isch jetzt genau über en Monet abgloffe.

10 % bi leshop hüt

2007-09-25T21:39:00.000+02:00

Hüt gits ufs gsamte sortimänt 10% !! Achtung nur hüt, 25.9.2007 gültig !!

immer no ke antwort vom orangeclick support

2007-09-22T23:17:00.000+02:00

Nimmt mi also scho wunder was mit em Ablaufdatum im Menüpunkt Karte Laden passiert. Mini SIM isch immer no OK, obwohl scho siit einige Täg abgloffe. Momentan gseht's nämlich so us uf orangeclick :

Diese Dienstleistung ist auf Grund einer Aktualisierung unserer Systeme zur Zeit nicht verfügbar. Ab dem 23.09.07 um 16:00 Uhr werden Sie wieder darauf zugreifen können. Bitte entschuldigen Sie uns für diesen Zwischenfall. Ihr orangeclick.ch team.

Was wo billiger söll siiii ...

2007-09-17T23:48:00.000+02:00

für all schnäpplijäger no en coole link, mit iichaufsliste und bewertigs system (wieder mal web 2.0). Je meh da mitmached umso besser wirds ...

Gratis Foti usdrucke ...

2007-09-14T22:16:00.000+02:00

jetzt chunt mer vo Extrafilm 50 Gratis Prints über ;) Nur no d'Versandchöste mues mer sälber zahle. Wer da nöd mitmacht isch sälber schuld :)

os x - keyboard shortcuts

2007-09-08T23:37:00.000+02:00

Guete hiwies wenn mer de shortcut vergässe hät, so gahts ratz fatz :)

Und da no en Link zu me ne video, extra für umstieger vo windows uf os x, echt guet !! es hät für jede shortcut vo windoof au eine uf em mac, nur ke angst.

Orangeclick Ablaufdatum II

2007-09-05T22:54:00.000+02:00

Na ja, bis jetzt han i no ke Antwort vom Orange Support übercho ... mal luege wie lang das die no händ :(

Im Mobilfunk Forum vo teltarif han i no das gfunde (dank searchmash), gschriebe worde am 14.10.2005:

Hallo zusammen

Bei Nichtgebrauch des Prepay-Anschlusses muss der Provider nach einer gewissen Zeit den Anschluss deaktivieren, da dies eine Auflage des BAKOM ist.

Ob das Guthaben dabei verfällt, ist Sache des Providers...

Grüsse MagicLu

De Golem Artikel isch au no sehr interessant, betrifft zwar Dütschland !!

Orangeclick Ablaufdatum ???

2007-09-03T22:56:00.000+02:00

Wow super Überraschig wo ni hüt wieder mal im Orangeclick igloggt bii. Unter em Punkt "Mein Konto aufladen" staht ganz gross ---> Ablaufdatum: 10.9.2007 !!!
Meh Infos find i aber nöd zu dem Ablaufdatum, mal luege was de Support meint !!!

Panasonic DMR-E85 gflickt

2007-09-02T00:40:00.000+02:00

Jupiii dank dem herzige chline teili wo mi 33.- CHF kostet hät, und em meisterhafte iiisatz vom Ivo (gschnäll mal a me sunntig nahmittag), lauft min Harddisc Recorder vo Panasonic jetzt wieder wie neu !!!!

All Infos derzue han i ja scho mal postet

Übrigens de Support vo Panasonic hät am 01.02.2007 uf mis mail g'antwortet kah:

Gemäss Ihrer Fehlerbeschreibung hat das Gerät ein technisches Problem im Netzteil. Bitte bringen Sie den DVD-/HDD-Recorder zu Ihrem Fachhändler für eine genaue Kontrolle.

I use This

2007-09-02T00:25:00.000+02:00

Uf I use this chammer sich registriere und bekannt gäh was mer so für software im iisatz hät. Mer chund die aktuellste updates zu jedere software über und mer chan aber au luege was anderi so für sache benutzed ;)

@this: This, das isch nüd für dich :))

leshop gwünnspiel

2007-08-25T23:41:00.000+02:00

bi leshop chammer guetschiii gwünne, han gad mal 10.- gholt (denn zahl i nur no 2 stutz für de lieferservice)

da macht s'bike dopplet so viel freud

2007-08-25T00:32:00.000+02:00

echt guet das bikemap

Warum WTC 7 abgstürzt isch (911)

2007-08-19T23:03:00.000+02:00

das gseht ja cool us ...

2007-07-23T22:28:00.000+02:00

Magic Moving Images heisst das Buech und chammer bi Amazon chaufe

Mixed Tape Nr. 18 von Mercedes zum letzten mal ...

2007-07-23T21:59:00.000+02:00

Downloaden ! Ihr chönd säge was er wänd, ich find de Sound no guet ;) wenigstens lauft's nöd x mal am Tag im lokal Radio ...

Nur schaad das Mercedes da nöd wiitermacht :(

Uninstaller uf Os X

2007-07-23T21:42:00.000+02:00

De AppCleaner isch e super freeware, ersetzt min uApp wo bis jetzt natürli au super arbet gleistet hät. Bin jetzt uf de AppCleaner umgstiege will er so ne gueti übersicht a installierter war uf mim system bütet.

S'erst wo ich demit glöscht han: uApp :)

Panasonic DMR-E85 Problem ...

2007-07-22T00:05:00.001+02:00

Isch ja unglaublich aber leider wahr, min Harddisk Rekorder vo Panasonic (DMR-E85) macht kein wank meh. Han scho de Februar über das Teil blogt.
Hüt han i wieder mal bitz googlet und siehe da, es git en aleitig mit vielne bildli zum behebe vo dem problem.
Dank dem forum bin i zu dere Info cho, muen jetzt nur no luege wer das für mich chan mache ;)

Tipps vom ökologische Fahrtraining

2007-07-19T08:32:00.000+02:00

Frühzeitig hochschalten

Hohe Geschwindigkeiten meiden
Gleichmässiges Tempo
Nicht unnötig bremsen
Fahrzeug rollen lassen
Motor nicht unnötig laufen lassen
Starten ohne Gas, gleich losfahren
Richtiger Reifendruck
Keine unnötigen An- oder Aufbauten
Keine unnötige Zuladung

e so chammer 10% weniger sprit verbruuche und trotzdem schnäller unterwägs siiiii !!

leitige mit sinnvolle mails stopfe ?

2007-07-12T14:45:00.001+02:00

Ingrid + Schlaganfall

isch ja krass wie das umegaht ... all wo das mail scho übercho händ, wüssed jetzt bestimmt was i meine ;) ... alli andere chömed das mail sicher bald über !!

Hauptsach ihr vergässet die 4 Frage nöd wo mer muen stelle i so situatione.

mac or pc

2007-07-10T01:27:00.001+02:00

Hammer Rap, das mit em rächts klicker isch eifach super ... demits für alli klar isch: au bim mac git's e rächti muustaste, mer muen das halt ebe iistelle ;)

testbricht han i gern

2007-07-10T00:35:00.000+02:00

bin ganz zuefälligerwies uf de link gstosse. Da chammer verschiedeni Grät mitenand vergliiche, uf grund vo testbricht Details.

Was aber no viel genialer isch, für all die wo italienisch chönd, ciao.it. Da häts abartig viel Rezensione vo otto, ähm mario und maria normal verbruucher. Sogar vo Tüfküehl Produkt, Medikamänt häts bewertige, rezensione, meinige (zu de jewilige rezensione).

Zum Bispiel Warze Entfernigs Mittel Wartner chund ziemlich schlächt use, hingäge Duofilm wird sehr empfohle, säg sehr würksam i churzer ziiit. Derbii muen mer au die Meinige beachte wo zunere Rezension gmacht werded. Bi dem bispiel bin ich drumm uf Duofilm cho.

Bitzli anderi Musig als Podcast ...

2007-07-04T00:39:00.000+02:00

s'best vom ipod sind eifach die Podcasts wo mer so chan unterwägs lose, eifach de Hammer.

Zum Bispiel losi momentan de "Radio 1 Best Of Unsigned" Podcast wo eigentlich sehr spezielli Musig vorstelle tuet. Vor allem wird sehr sälte gschwätzt, somit volle musig-gnuss.

Akanthamöbe - Kontaktlinsen-Reiniger ?

2007-06-25T23:23:00.000+02:00

Super, han jetzt gad d'usgab vom K-Tipp vom 20.6.2007 dureblätteret wo ich uf en rückruef vo mim kontaktlinse-reiniger gstosse bin :((

blog-testberichte.de

Eine amerikanische Untersuchung ergab, dass die All-in-One-Lösung womöglich der Auslöser für Amöbenkeratitis (AK) bei Trägern von weichen Kontaktlinsen ist. Akanthamöben kommen in der Natur vorwiegend in Gewässern vor und können bei …

Heuschnupfe zum 3.

2007-05-23T13:07:00.001+02:00

Han mi scho viel mal gfrögt, warum wenn's regnet, bi mir de Heuschnupfe schlimmer wird. Jetzt aber, dank em hütige Pollenalarm isch das Rätsel g'lööst:

Zur Zeit sind es hauptsächlich Gräserpollen, die in hohen Konzentrationen für Heuschnupfensymptome verantwortlich sind. Neben den Gräsern sind Ampfer- und Wegerichpollen in geringen bis mässigen Konzentrationen in der Luft. Bis zum Wochenende verändert sich die Pollensituation kaum, allerdings können gelegentliche Schauer die Pollenbelastung lokal deutlich vermindern. Aber Vorsicht: Zu Beginn eines Niederschlags ist es möglich, dass die Heuschnupfen- und Asthmabeschwerden kurzfristig zunehmen, da Pollenkörner aufplatzen können und dabei sehr kleine Gräserpollenallergene in die Luft gelangen. Am Pfingstwochenende sorgen Niederschläge und geringere Temperaturen für eine Entlastung.

Häxeschuss oder ebe Hexenschuss ...

2007-05-20T23:51:00.000+02:00

... hani am letschte Dunstig kah, de 17.

g'spür jetzt scho praktisch nüd dervoo ;)

Passiert isch das ganze nach lehrbuech, es bitz fest hueste müesse, bücke, ufgrichtet, 2 schritt wiiter evtl. es bitz schlächt verdräht - SCHUSS :(( meh oder weniger is bett gheit und de schmerz liecht rächts vom chrüz hät nümm weg wele.

Nachdem i gmerkt han, das still liege d'situation überhaupt nöd verbesseret, eher verschlächteret, han mi soviel wie mögli bewegt. bi denn so z'säge immer bitz gstande, gloffe, gläge und gsässe a dem Tag.

Am nächste Morge, grederet gsii vo der Nacht und denn wieder uuuuu müeh kah zum ufstah ... ziemlich bald de Physio Praxis aglüte (besti entscheidig gsii) und nach 2 stund scho uf em schrage gläge mit wärmematerial unterhalb vom Buuuch. ja will döt ebe de muskel isch wo muen gheilt werde bi so situazione !! (mann, hättets das nur au i der apothek gwüsst)

Nachher häts no e Lektion gäh, wie mer sich tuet verhalte mit dem rugge, eigentlich nüd neuis aber das hät gnützt und hät sich absolut glohnt.

Breitbeinig und es bitz hohle rugge mache + wärmefläsche unterhalb vom Buuuch hät das ganze suuuber glöst, ohni irgendwelchi sprütze mit weiss was ich super näbeneffekt.

Hätt ich das nur scho am Dunstig gwüsst !!

Übrigens nur wäg dere eifache siiite bin i zu dere praxis cho, danke au a google !!

Gratis Tickets für d'Orbit-iEX

2007-05-19T22:59:00.000+02:00

dank der digitec gratis ad Orbit-iEX ;)

Guets Tool für os x - Process Wizard

2007-05-16T00:32:00.001+02:00

mit dem Tool chammer d'Prozess überwache wo uf os x laufed. Damit das ganze nöd unübersichtlich wird, händ's en Filter ibaut:

progis
progis wo nöd sichtbar sind uf de ersti blick
prozess vo anderne user
system prozess

De kill Befehl isch natürli au gad derbii. Bruucht mer aber uf em Mac sehr sälte ;) nöd so wie bi Windoof ...

Download da

mixed tape 17 - gratis download

2007-05-13T00:03:00.000+02:00

mixed tape 17 parat zum gratis abelade.

hotel bewerte isch wichtig ...

2007-05-11T22:23:00.000+02:00

und vor allem praktisch für all die wo ke wüeschti überraschige wänd erläbe i de Ferie.

z.B. gönd uf kein Fall im Juni id Türkei, anschienend wimmlets döt den nur so vo russe, und die säged also meistens nöd würklich agnähmi turis.

Denn git's au Hotels wo sälte nöd usgraubt wirsch, für all die wo action wänd i de Ferie keis Problem, ich bruuchs definitiv nöd, mag die Hotel alag no so schöö sii.

Guet sind au die viele Fotene vo dene wo scho döt gsii sind ...

De wiiterentwickleti Doodle ...

2007-05-07T22:33:00.001+02:00

... muen mer eifach mal usprobiert ha ;)

Applepie und Googlehopf sind die innovativste ...

2007-05-07T21:54:00.001+02:00

uf Rang 5 chund denn Microschrott. Ich dänke das spricht für sich.

Da no d'Quelle: BusinessWeek

ps: danke bö für de cooli tipp --> ScribeFire isch würkli e cooli sach, s'bloge gaht gad e bitz schnäller ;)

es lohnt sich halt ebe doch

2007-04-27T00:50:00.001+02:00

... ab und zue a me Wettbewerb mitzmache. Han hüt (ähm, gester) en iPod Video 30 gwunne :)

so als guudi gits no en supa link: http://www.go2web20.net - da gits es paar würkli gueti und praktischi sache, wie z.B. de

eigentlich würd's mi uuuu wunder näh was de benbit zum PassPack meint.

Videos für die wo gern reised

2007-04-20T23:29:00.000+02:00

GeoBeats hät da so ne Turiste Video Platform. Da chammer sich zum Bispiel informiere wie mer mit de öffentliche Verkehrsmittel vo Züri ume reise tuet ;)
D'Übersicht, vo wo überall Videos vorhande sind isch natürli im Google Maps !

Heuschnupfe zum 2.

2007-04-16T23:45:00.000+02:00

Da ich mit Heuschnupfe nümm ushaltbar bin für d'Family, isch mer folgendes homöopathisches Mittel empfohle worde. CERES Urtinkture !! Und zwar Urtica-Sambucus comp. und Mercurialis D6 !
Details zu de verschiedene CERES Produkt git's da.

Siit em Samstig nimm i 3 x 5 Tröpfli vo beidne Fläschli, derbii muen der Abstand vom einte zum andere mind. 15 minute sii.

Hüt han i s'erst mal s'gfühl, dass das sogar öppis nütze tuet.

Mini Frau hät's denn übrigens im Reformhuus Müller im Glatt kauft, für all die wo's au wänd usprobiere ;)

Heuschnupfe

2007-04-13T00:15:00.000+02:00

Für alli wo momentan au mit de Allergie am chämpfe sind, de Pollenalarm isch sehr empfehlenswert. So weiss mer wenigstens was momentan so umeschwirrt i der Luft.
Falls mer denn öppis dergäge mache will, gits da z.B. Naturheilmittel vom Dr. Vogel. Das ganze muen mer eifach gnue frühe näh.

Qype Zürich bruuucht unterstützig

2007-04-12T23:37:00.000+02:00

Das isch echt e gueti Platform, wo jede sin frust oder freud über es lokal, lade, garage oder was au immer chan beschriebe und öffentlich mache chan. Die Dütsche sind scho sehr fliessig und findet so schnäll mal es guets oder eifach speziells restaurant i der umgäbig.
Unbedingt mal aluege, und hoffentlich au mal öppis derzue biiiträge ...

öpfelrächner - Browserstatistik

2007-04-09T00:29:00.000+02:00

das isch d'Browserstatistik vom öpfelrächner Blog ! Ganz klaare Sieg vo Firefox !!

statistike vo andere blogs

Chunde wo de Artikel kauft händ, händ au DAS kauft ...

2007-04-08T22:29:00.000+02:00

bi Amazon find mer ja bi jedem Produkt de Satz: "Kunden, die diesen Artikel gekauft haben, kauften auch:"
Jetzt chasch der die Links au ganz anderst azeige lah uf liveplasma ! E würklich geniali Dienstleistig, wo dank em Amazon API hät chöne erstellt werde. Mega empfehlenswert ...

syn flood

2007-04-05T23:39:00.000+02:00

Wiki:syn_flood

I der letschte ziit chunts bi mir oft vor das ich so ne mäldig vo mim router überchume:
2007-04-05 23:24:44 - SYN Flood - Source:192.168.---.---,37569,LAN - Destination:209.85.137.91,20480,WAN
Vor allem blockierts mal eifach ziemlich alles. Bin i der einzig mit so Problem ?
Was au sehr komisch isch, Google Earth gaht bi mir nüme, bricht immer mit de Mäldig ab, das ke Verbindig zum Server hät chöne ufbaut werde. Neu Installiere hät au nüd bracht.

Wo die letscht syn flood stattgfunde hät, bini gad am e neue Feature vo Google Maps dranne gsiii. Jetzt chammer nämlich ganz eifach eigni Charte Zeichne, Markiere ... macht Spass.

isch Skype & Fon s'traumpaar

2007-03-29T00:39:00.000+02:00

So nes SMC Wifi Telefon vo Skype wür mi also irgendwie no reize, zwar muen i ja bald fasch nix meh zahle bi Cablecom.

Und bi Totalblogal git's en Fonera Router z'gwünne.
Beträffend Fon isch also die map sehr iiidrücklich. Es hät ja scho uuu viel ume vo dene dinger !!! Eigentlich käs Wunder wenn Kollege vo Fon Bsitzer über d'Fon Homepage zu Gratis Router chömed !!

Trotzdem, da en interessante erfahrigsbricht ...

Bildli sueche ... ohni blättere

2007-03-27T23:15:00.000+02:00

Das isch ja de absoluti Hammer, unbedingt usprobiere ;)
De Google Image Ripper - GIR - für alli wo schnäll es bildli mit google sueched und sich nöd z'tod blättere wänd.

Falls de Ospel nach Ospel will ...

2007-03-22T01:26:00.000+01:00

Ospel, es härzigs kaff in Holland.

Evtl. will ja üse Ospel Nazional mal es reisli mache. Nur 9 h und 9 min vo Wollerau us.

Das wäred doch sicher rächt günstigi Ferie ! Für öpper wo nur 77'000.- Stutz pro Tag *verdient* und vor de Stüüre flüchte muen, liiit doch nöd viel meh drinn.

pc vs mac

2007-03-18T01:41:00.000+01:00

Apple hät ja so geniali Werbe Filmli gmacht, wo d'eigeschafte vo pc und mac mit dene 2 type darstelle tuet.
Alli Filmli git's uf de apple page. Die sind denn nöd nur für Mac User dänkt ;)

gueti beratig, super bike und denn ...

2007-03-18T00:49:00.000+01:00

Gueti Beratig, super Bike, bitzeli tüür aber überzügend und denn d'entüschig !!
Mir sind vor 2 Chinder Velos gstande, s'einte für 450.- und s'andere 650.- CHF.
Nach ere Probefahrt isch's eigentlich scho rächt klaar gsiii. S'türere isch um einiges besser. Mit 8,9 Kg isch es eifach sehr liecht und au d'bräms sind ganz genial für Chinder. Mini Tochter hät das scho bi der erste Rundi usegfunde und obwohl s'andere e wiiiblicheri Farb kah hät (Pink) sofort für's Moskito Blue gschwärmt. De Vorbau bi de Lenkstange han i no dur en verstellbare ersetze lah, + 25.- , alles klar.
Bim märte hät's denn gheisse das das Velo neu eigentlich 699.- chosti und er mir unwillentlich mit sinere ussag bi der beratig 650.- scho guet entgäge chund. Han i au sofort akzeptiert. Glogge, Chatzenauge und Ständer han i no übercho, alles zäme 675.- CHF + natürli Service nach 3 Mönet.
Am Abig bin i halt denn mal uf d'Homepage vom Hersteller vo dem Bike velo.com, für bitz meh Infos. Und siehe da, VP: 599.- !!! Bstelle chammer das direkt uf de Homepage. Han sofort es Mail gschriebe am Velohändler und warte mal ab, was da für feedback zrugg chund.
Mal luege ob mer's denn am Mittwuch würkli gönd ga hole, oder ob mer das gschnell über velo.com bstellet.

danke ökk, für de cooli znüni

2007-03-15T01:14:00.000+01:00

Mini Tochter hät mega freud kah a de Znüni-Box. De Gsundi inhalt isch natürli im Chindsgi denn gnosse worde. Danke Giusi, für's bstelle ;)

Für alli wo au wänd es chind zwüsched 5 und 9 überrasche, bis 8.4.2007 lauft die Aktion. Jede Tag werdet 280 sättig Boxe verteilt. Es gilt jedes mal, de gschnäller isch de gschwinder ;)

De Znünitipp und s'Pausespiel dörf mer uf jede fall nöd verpasse !

mann, das sind magnet ;)

2007-03-13T01:08:00.000+01:00

da hani bis jetzt die beste und stärchste magnet kauft. D'uswahl vo dem online shop isch eifach genial. Vor allem git's chlini herzigi magnetli (5 x 5 x 2 mm), wo denn richtig guet hebet. Da mir Metall Türzarge händ, wird bi euis praktisch jedes zädeli und couvert wo nöd vergässe dörf gah ufghänkt.
A de grössere und stärchere Magnet, hät vor allem euise Bsuech am afang freud kah. Meistens händ's denn bi de usgfallne versüech, huut chlämmer erläbt wo denn schö blau worde sind ;) z.B. a de Ohre und Nase :))
da gahts zum Online-Shop für Supermagnete

Scribd.com Doc's für alli

2007-03-11T22:36:00.000+01:00

Das isch nur es biiispiel was mer so chan mache mit scribd.com
Übrigens das Google Cheat Sheet isch no rächt interessant ;)

Gratis Stuck Princess Turte

2007-03-11T22:24:00.000+01:00

Wer sowieso gad id IKEA will, muess oder egal, de chan das gschnäll usdrucke, usschniede und ässe ;)

Gaht nur wenn mer e Family Card hät.

ke Respekt meh ...

2007-03-11T01:14:00.000+01:00

Piazza del Duomo, fäschtplatz vo Celtic Glasgow fäns in Mailand.

Da mer ja scho bald d'EM 2008 bi euis in Züri händ, müsst mer so schnell wie möglich s'gliich mache wie z'Walliselle. Das gäbt ja iiinahme ...

De Beppe Grillo beklagt sich übrigens nöd nur wäg de Schotte sondern au wäg de viele Raser im Ferrariland mit Schwiiizer Autoschilder, wo anschienend unbestraft dervo chömed.

Wenn i scho gad dranne bi, die armi Glüehbirre söll abgschafft werde, aber da chund es Vista wo anschienend bi Läppis dopplet so viel Strom verbruucht als XP ... zwingt ächt Vista Microsoft id chnü ? Bis jetzt han i sehr viel schlächts ghört. Wer will, chan aber Vista wieder los werde ;)

Musig vo Mercedes Benz Gratis

2007-03-11T00:28:00.000+01:00

und scho isch s'mixed tape 16 parat zum gratis abelade (85MB). Unbedingt Pop-Up Blocker für die Page zuelah. Vorher no gschnäll inelose und denn schnäll abelade ;)

Hoffe das isch mal en guete Tipp au für dich This !!!

wok-wm nöd vergässe

2007-03-07T00:09:00.000+01:00

Die 5. Wok-WM findet am Fritig Abig statt. Wiiteri Details uf teleboy und tvtotal

Hackel George isch ja mit e me Affezah obenabecho, vor Kelly und Raab.

d'Windelaktion isch irgendwie guet acho ;)

2007-03-06T22:00:00.000+01:00

Anderi händ zwar gmeint, es passi nöd zu mim Blog. d'Heute Ziiitig hät aber genau das hüt druckt :) (Siite 23)

Mit dem iitrag hani ja nur mal welle zeige, wie tüür das Windle chönd siii. Drumm dörfed d'Chinderzuelage also ruhig bitz höcher siii.

Bin aber au froh das i Junge Eltere demit hälfe.

Juhui Windle Aktion bi leshop

2007-03-06T01:13:00.001+01:00

de Priis isch glaubs no rächt fäär für so gueti Windle ;) Vor allem muen mer's nöd e mal sälber schleppe. leshop.ch

Frühlingsleichtes Babybudget

(Angebote gültig bis 18.03.2007, solange Vorrat.)

Sparen Sie bis zu 40% auf Pampers Megapacks!
Beispiel: Windeln Midi, 4-9 kg, 156 Stück:
CHF 39.90 ~~CHF 66.60~~

Sparen Sie 20% auf Penaten Babypflege!
Beispiel: Baby-Shampoo, 200 ml:
CHF 3.70 ~~CHF 4.70~~

Sparen Sie 22% auf Milupa Kompotte!
Beispiel: Apfel-Kompott, 3 x 400 g: CHF 9.60 ~~CHF 12.30~~

Mondfinsternis

2007-03-04T00:41:00.000+01:00

Mini Kamera isch nöd würklich ideal für sättig Bilder, d'Mondfinsternis erchännt mer ja wenigstens. Für meh Infos zu dem wunderschöne Alass isch d'Mondfinsternis Page zueständig.

Bis 03:25 g'seht mer de Schatte vo üsem Planet uf euisem treue Begleiter ;)

Hüt isch ja wieder mal Wetten Dass Abig gsii, keini isch glunge und so wahnsinnig spektakulär sind's au nöd gsiii. Drumm de Link uf e Voll geniali Zungebrächer Wett, absolut sehenswert !!

ctrl-f2 und ctrl-f3 sind ja ober hammer

2007-03-02T23:11:00.000+01:00

Danke Macgeek für de supa tip.

d'Menübar obe chammer direkt mittels ctrl-f2 erreiche und ganz genial s'dock une mit ctrl-f3. Mit e me Book muen mer, anschienend d'fn taste no mit drucke.

Joost Accounts z'vergäh

2007-03-02T21:37:00.000+01:00

Die erste 4 Kommentär mit agab vo der e-mail Adrässe bechömed en Joost Account für de Betatest.

Vorteilhaft für das Joost isch e relativ neui Chiste, egal ob Intel Mac oder Windoof.

Google Earth / Maps Update

2007-03-02T21:08:00.000+01:00

Google Earth hät ja d'Schwiiz updatet, d'Satelite Bilder sind zum teil leider älter wie vorher, defür sind's detailierter.

Jetzt gseht mer z.B. au d'Fallätsche ganz guet ;)

Wer no en alti chiste dehei hät, chan das ganze au uf Google Maps aluege ;)

Schuelferie vo de Stadt Züri

2007-03-01T23:07:00.000+01:00

Han mal en öffentliche Kaländer gmacht für d'Schuelferie vo der Stadt Züri. Da mer im Google Calendar soviel Kaländer mache chan wie mer wött und denn sälber chan entscheide ob de denn au sichtbar isch für alli oder nur bestimmti persone. Isch doch das die optimali Platform für Verein, Mannschafte und vieli anderi Gruppe ...

Damit's nomal gseit isch, de Google Calendar isch eifach genial. Empfehle jedem mal ine z'luege.

Das selbe gilt für's Docs and Spreadsheet (Text und Tabellen). Da chönd en huufe sogar gliichzitig a me Dokument schaffe. Falls i denn das ganze doch mal sött offline ha, chan i bim abspeichere no uswähle i wellem Format das i s'will ha. Lässig isch au s'Log wo jedi änderig dokumentiert isch.

Mit dem alles chammer eigentlich guet uf Windooof Office verzichte, und derzue ane isch das vo überall zuegänglich.

Übrigens de Kaländer da näbed zue isch nöd nur es bildli sondern da chammer aktiv druff ume klicke. Da ja im März ke Ferie meh sind, g'seht das ganze au sehr uninteressant us, drumm mal schnell bitz ume klicke und stuuune ;)

Snag It oder mach es Bild dervo ...

2007-02-27T22:20:00.000+01:00

isch ja de Hammer wie guet das gschnäll en screenshot chasch mache ohni irgendwelchi software z'installiere oder z'starte. E Taste kombination langet und scho isch s'bildli uf em desktop ;)

shift-öpfel-3 = ganzi screen g'fötelet
shift-öpfel-4 = chammer mittels fadechrüz sälber selektiere was mer will g'fötelet ha.

Wahrschienli chan das ja Vista au :)) Trotzdem mir egal, os x isch s'best wo gits.

CD/DVD Hülle beschrifte,drucke,falte,bruuche

2007-02-26T23:23:00.000+01:00

de alti post: So macht mer e schöni CD Hülle mit e me Blatt Papier

isch ja scho sehr nützlich gsii, es git aber e besseri Page uf Dütsch zu dem thema. Da chammer nämlich Online gschnäll d'beschriftig vo de Hülle erledige und denn das ganze usdrucke mit ere Falthilf :)

Für all die wo nöd so ne schöni Handschrift händ, eifach genial.

He Stef d'Dvd wo du mir versproche häsch chöntsch ja so iiipacke :))

Übrigens die Page büted no einiges meh, vo de Wasser Rakete bis zum Grawattechnopf Bouplan !!

Google Notifier mit Growl

2007-02-26T22:48:00.000+01:00

De Notifier vo Google isch also scho supa praktisch für jede wo Mail und Kaländer vo Google intensiv nutze tuet. Uf em Mac muen mer denn no de Growl installiere damit mer denn die schöne halbtransparänte Mäldige rechts obe iibländet überchund.

Skype mäldige werdet übrigens ebefalls über Growl ganz agnähm azeigt ;)

d'Haarsträubendi Fäll vom ...

2007-02-26T21:58:00.000+01:00

Philip Maloney Podcast, so verpassi ke folg meh ;) und uf dem Blog gits gad no meh Infos und Material, für all die wo nie gnue händ.

Danke Pascal für die tolle WebServices

2007-02-25T22:52:00.000+01:00

Das sind es paar Banner vo Vollnette Pages vom Pascal, vor allem d'temporaryinbox, die bruchi sehr, sehr oft !!

Dank de temporaryinbox chan i mit e ****@put2.net adrässe e registration für irgendöppis dureführe, und denn d'mails via rss feed träcke. So bliebt min haupt e-mail account frei vo irgendwelchem spam. Aber Achtung die ****@put2.net adrässe chönt jede aluege wo d'adrässe kännt.

Die dienstleistig isch also au sehr interessant. Mit dem chammer youtube videos z.B. als movie datei abelade, aber au viel anders.

Das han i noni usprobiert, muen mer aber merke

Weli Schriftart söll mer bruuche ?

2007-02-25T02:40:00.000+01:00

Ab und zue chunds vor das mer nöd schlüssig isch wele font mer söll bruuche, d'grössi, fett oder/und kursiv. Für das gits jetzt natürli e Hilf. Bim TypeTester häsch en text wo d'chasch i 3 verschiedeni variante azeigt ha. Jedi Variante chasch debii sälber konfiguriere. Wänn denn z'friede bisch chasch der sogar no es CSS dervo abelade.

Guet findi vor allem d'Hitparade vo de verschiedene Schriftarte mit Grössi, Farbe und Styl.

So jetzt gits no en Werbefilm für Gmail

2007-02-25T01:40:00.000+01:00

... wär s'jetzt noni gschnallt hät, und immer no kein gmail account hät isch definitiv nümm z'rette ;) Falls s'Video z'chliii gsii isch, da no de direkti Link für die grösser Variante.

Google Mail für uf's Natel

2007-02-23T00:45:00.000+01:00

Bi Orangeclick hät mi s'abelade vom Java Progrämmli 2.54 Stutz kostet, wenn i denn mini Mails wött läse chostets mi für d'Inbox 15, pro mail ab 15 und wenn i nachdem ich s'mail gläse han wieder uf d'Inbox zrugg gange wieder 15 Rappe.

Datum	Stunde	Menge (in KB)	Betrag (in CHF)
03.02.07	11:09	21	0.32
09.02.07	10:28	169	2.54
09.02.07	11:25	10	0.15
21.02.07	08:02	8	0.15
21.02.07	08:03	13	0.2
21.02.07	08:43	4	0.15
21.02.07	08:46	7	0.15
21.02.07	08:47	2	0.15

s'ganze gseht schö us und isch ganz eifach zum bediene.

Blöd isch, langi mails werdet nach ere gwüsse längi abrupt mit ere mäldig beendet. De reste vom Mail mues mer denn uf em Compi aluege :(
Na ja, has jetzt gseh, wird das Ding wohl nümme starte ...

So macht mer e schöni CD Hülle mit e me Blatt Papier

2007-02-23T00:23:00.000+01:00

danke soorajmukhi für de schöni clip

d'Bookmark suechmaschine

2007-02-22T01:38:00.000+01:00

D'Idee vom Mister Wong isch eigentlich ganz guet, d'Siite macht eigentlich au en guete iidruck. Das wird wohl wieder en Link meh i minere Linksammlig.