isch ja de Hammer wie guet das gschnäll en screenshot chasch mache ohni irgendwelchi software z'installiere oder z'starte. E Taste kombination langet und scho isch s'bildli uf em desktop ;)
shift-öpfel-3 = ganzi screen g'fötelet
shift-öpfel-4 = chammer mittels fadechrüz sälber selektiere was mer will g'fötelet ha.
Wahrschienli chan das ja Vista au :)) Trotzdem mir egal, os x isch s'best wo gits.
de alti post: So macht mer e schöni CD Hülle mit e me Blatt Papier
isch ja scho sehr nützlich gsii, es git aber e besseri Page uf Dütsch zu dem thema. Da chammer nämlich Online gschnäll d'beschriftig vo de Hülle erledige und denn das ganze usdrucke mit ere Falthilf :)
Für all die wo nöd so ne schöni Handschrift händ, eifach genial.
He Stef d'Dvd wo du mir versproche häsch chöntsch ja so iiipacke :))
Übrigens die Page büted no einiges meh, vo de Wasser Rakete bis zum Grawattechnopf Bouplan !!
De Notifier vo Google isch also scho supa praktisch für jede wo Mail und Kaländer vo Google intensiv nutze tuet. Uf em Mac muen mer denn no de Growl installiere damit mer denn die schöne halbtransparänte Mäldige rechts obe iibländet überchund.
Skype mäldige werdet übrigens ebefalls über Growl ganz agnähm azeigt ;)
Philip Maloney Podcast, so verpassi ke folg meh ;) und uf dem Blog gits gad no meh Infos und Material, für all die wo nie gnue händ.
Das sind es paar Banner vo Vollnette Pages vom Pascal, vor allem d'temporaryinbox, die bruchi sehr, sehr oft !!
Dank de temporaryinbox chan i mit e ****@put2.net adrässe e registration für irgendöppis dureführe, und denn d'mails via rss feed träcke. So bliebt min haupt e-mail account frei vo irgendwelchem spam. Aber Achtung die ****@put2.net adrässe chönt jede aluege wo d'adrässe kännt.
Die dienstleistig isch also au sehr interessant. Mit dem chammer youtube videos z.B. als movie datei abelade, aber au viel anders.
Das han i noni usprobiert, muen mer aber merke
Ab und zue chunds vor das mer nöd schlüssig isch wele font mer söll bruuche, d'grössi, fett oder/und kursiv. Für das gits jetzt natürli e Hilf. Bim TypeTester häsch en text wo d'chasch i 3 verschiedeni variante azeigt ha. Jedi Variante chasch debii sälber konfiguriere. Wänn denn z'friede bisch chasch der sogar no es CSS dervo abelade.
Guet findi vor allem d'Hitparade vo de verschiedene Schriftarte mit Grössi, Farbe und Styl.
... wär s'jetzt noni gschnallt hät, und immer no kein gmail account hät isch definitiv nümm z'rette ;) Falls s'Video z'chliii gsii isch, da no de direkti Link für die grösser Variante.
Bi Orangeclick hät mi s'abelade vom Java Progrämmli 2.54 Stutz kostet, wenn i denn mini Mails wött läse chostets mi für d'Inbox 15, pro mail ab 15 und wenn i nachdem ich s'mail gläse han wieder uf d'Inbox zrugg gange wieder 15 Rappe.
| Datum | Stunde | Menge (in KB) | Betrag (in CHF) |
| 03.02.07 | 11:09 | 21 | 0.32 |
| 09.02.07 | 10:28 | 169 | 2.54 |
| 09.02.07 | 11:25 | 10 | 0.15 |
| 21.02.07 | 08:02 | 8 | 0.15 |
| 21.02.07 | 08:03 | 13 | 0.2 |
| 21.02.07 | 08:43 | 4 | 0.15 |
| 21.02.07 | 08:46 | 7 | 0.15 |
| 21.02.07 | 08:47 | 2 | 0.15 |
D'Idee vom Mister Wong isch eigentlich ganz guet, d'Siite macht eigentlich au en guete iidruck. Das wird wohl wieder en Link meh i minere Linksammlig.
Mit dem Aktionscode BEST-VALUECHIP chasch bi snapfish 40 Fotene Gratis bstelle, Versandchoste muen mer denn eifach zahle. Das ganze isch gültig bis 28.2.2007.
Bin mer noni sicher ob mer chan vo de Schwiiz us bstelle. Wenn nöd müsst mer halt zum Biiispiel en Dütsche ah haue wo i der Schwiiz schafft und z'Dütschland wohnt ;)
Das isch als bestes Bild gwerted worde, wo vom Hubble-Wältruum-Teleskop gmacht worde isch.
Da no die andere 9 wo also au ganz krass sind.
so bi mir isch definitiv fertig googlet. Nöd das i Google de rugge chere wür, nei d'spielwiese searchmash vo google (natürli), isch jetzt also echt de hammer. Da no es paar features direkt vom hersteller vorgstellt.
Das isch d'Züri-Släng Page mit Lexikon ;)
Unter Zürcher find mer zum Bispiel das:
an Züzi (aus Graubündner Sicht), e Ziircher (aus Basler Sicht), e Zürischnurre, en Ännet-Hirzeler (aus Zuger Sicht), en Hinterhirzler (aus Zuger Sicht), en Limmet-Tiroler, en Stricher (aus Sicht des FC Basel), en Üsserschwizer (aus Walliser Sicht), en Zuchthüüsler (aus St. Galler Sicht), en ZuReicher (aus Basler Sicht), en Züri-Hegel, i zucchini (aus Tessiner Sicht)
I dem Spiel gheit bi jedere Rundi öpper use. De oder Die wo am Schluss übrig bliebt chund s'Auto über. Das Auto wird denn aber no am Schluss, wenn er oder sie d'Frage nöd beantworte chan, vo de andere Teilnehmer mittels Pickel, Schlagbohrer, Megahammer, Farbbombe, usw. malträtiert. Distraction lauft am Sunntig Abig uf Italia1, ca. 21:35. Da nöd alli digital Tv vo Cablecom mit Italy Päckli händ gits für sättigs ZATTOO ;)
De Max isch's ultimative Tool zum CD's in MP3 umzwandle. Mit dem Teil chammer au anderi, wie z.B. *.m4a Files in *.mp3 umwandle. Als ehemalige Windoof User han i immer cdex bruucht, chammer super mitenand vergliiche, da beidi nur zum umwandle vo Audio Files gmacht sind und drumm mega eifach sind zum bediene.
da ich die nöd sälber zämegstellt han, woher söll i die ziiit näh, stell i mal de Link zur verfüegig. Der eint oder anderi wird sich ja denn evtl. mal für G'oogle'Mail entscheide, de besti Freemailer wo gits !!
ou neiii, jetzt hät doch euise chlinscht doch voll d'Scharlach. Ja das isch die Chranket mit de Himbeerzunge, mini Frau hät zwar gmeint sie chöng die nöd erkänne. Ich find d'Zunge isch irgendwie dünkler, chräftigeres Rot.
Leider wird das wohl e Chliiiruumepidemiii uslöse bi üs deheime oder besser no i de Ferie. Mir händ uf jede Fall Antibiotika scho übercho, es hät gnueg für alli.
Zum Glück isch d'asteckigsgfahr bi Erwachsne sehr tüüüf. So wie's usgseht schneits ja sowieso die ganz Wuche, ussert am wichtigste Tag, am Mittwuch isch nämli Nachtboarde agseit, läts fäts.
Ach ja das wär übrigens nöd s'erst mal woni igschneit werde, mal luege ob mer denn chönd abecho :)
... und das ohni irgendwelchi Software wo muen installiert werde. Ganz eifach Registriere uf RememberTheMilk.com und loslegge mit Ufgabe erfasse. D'Erinnerigsfunktion isch au lässig, mer chan wenn mer wött per Skype druf ufmerksam gmacht werde wenn d'Ufgab fällig isch. Denn gits e SofortNachricht mit de Infos zu der Ufgab.
Natürli gits au no es Widget für's Dashboard oder e externi Adrässe für iCal (betrifft wieder mal nur Mac User).
Uf d'Personalisierti Homepage vo Google chammer au es Widget dervo ha (betrifft au Windoof User).
Und wenn de gnue Kollege überschnurrt häsch das ganze z'bruuche, chammer sich gägesiitig Ufgabe zuewiiise :)) also nüd wie los ... übrigens bi scho länger debiii RTM z'nutze und die wo min Rat befolgt händ bis jetzt händ's au würkli guet gfunde.
Öpfelrächner: Han mer schnell en HD Rekorder ine zoge
Gester am 2 am Morge ischs mir ufgfalle das euise neui HD Rekorder vo Sony so komischi tön vo sich git, obwohl mir eigentlich gar nüd programmiert händ. Mini Frau hät denn am Morge gmeint de häb am 5i au no komisch tönt. Nach churzem gegoogle bini au gad i ne me Forum fündig worde:... Der Lüfter im Recorder ist sehr leise, aber nachts ist es teilweise etwas störend, wenn der Player 2 Meter neben dem Bett steht, weil er leise Geräusche macht, wenn der EPG sich updatet. Daher ein Stern Abzug.
Zum Glück händ mir de Rekorder nöd im Schlafzimmer !!!
SONY RDR-HX 925/S mal luege was de so taugt. De hät mi i der Migros 699.- CHF kostet, da ja momentan Rabatt Rally lauft chan i no bis zu max. 15% vom Priiis zrugg hole, und han derzue ane 2 Jahr Garantie, was au nöd sälbstverständlich isch i der Schwiiiz. Somit bini ca. uf em Priis Nivo vo Toppreise.
Vor nachli meh wie 2 Jahr han i en PANASONIC DMR-E85HEG-S kauft kah. Jetzt chan i uf einmal nümm uf DVD's bränne und d'Festplatte isch voll mit Chindersändige, Trickfilm u.s.w. . De Support vo Panasonic hät gmeint, das säg es Problem vom Netzteil und ich müess das Teil zumene Fachmaa bringe. Garantie isch natürli scho abgloffe, da Panasonic i der Schwiiiiz nur 12 Mönet Garantie git, während dem euisi Dütsche und Östrichische Kollege 24 überchömed, und s'Grät derzue ane wahrschienlich Günstiger übercho händ, brutal Grächt das ganze :(
Jetzt han i ja de Sony und wird ab und zue mal öppis schriebe, hoffentlich nur Positivs.
Juhui ändlich han i das Wunderding Spanning Sync dörfe usprobiere, und siehe da, es funktioniert wunderbar bin ab sofort mega fän dervo. Da jetzt ja jede dörf beta tester siii, da no e super wichtigi Info.
OK, es git no 2 chlinigkeite wo mer nöd ganz passet, d'Erinnerigs funktion (Alarm) wird nöd mit g'syncht und de synch zwüsched Google Calendar und iCal duuuret es bitzeli lang, zwar nie so lang wie frühener mis natel mit outlook bruucht hät, aber doch gnue lang das es mich als neue mac user scho bitz negativ überrascht !!! I de istellige han i denn halt gad vo all 10 min. synche uf 1h erhöht, damit i de server vom nätte spanning sync nöd zfest tuen strapaziere. Während em synch chammer übrigens wiiterhin normal schaffe, im gägesatz zu Outlook !!
Bim erste sync mit mim mobile, hani im isync Menüpunkt Geräte / Alle Geräte zurücksetzen... klargstellt das i alles vom Computer will übernäh. De sync mit Google Calendar isch ja scho vorher problemlos überd bühni.
Spanning Sync bütet eim übrigens ganz am afang d'möglichkeit en Backup z'mache, was i au gad gmacht han. Bin aber froh das i de nöd ha müesse bruche ;)
es hät mi halt eifach z'fest wundergnoo, bi zwar mit wordpress eigentlich super zfriede. S'argumänt das i nur ein Login bruuche und denn chan, mails checke, kaländer verwalte, feeds läse und jetzt au no blogge isch halt würkli praktisch. Das mer denn au no chan via mail en post mache im blogger isch s'tüpfli uf em i. Das gaht halt würklich am schnellste. Leider hani kein Import für all mini biiträg uf em alte blog. Evtl. find i ja no öppis.
