gueti beratig, super bike und denn ...
| | Gueti Beratig, super Bike, bitzeli tüür aber überzügend und denn d'entüschig !! Mir sind vor 2 Chinder Velos gstande, s'einte für 450.- und s'andere 650.- CHF. Nach ere Probefahrt isch's eigentlich scho rächt klaar gsiii. S'türere isch um einiges besser. Mit 8,9 Kg isch es eifach sehr liecht und au d'bräms sind ganz genial für Chinder. Mini Tochter hät das scho bi der erste Rundi usegfunde und obwohl s'andere e wiiiblicheri Farb kah hät (Pink) sofort für's Moskito Blue gschwärmt. De Vorbau bi de Lenkstange han i no dur en verstellbare ersetze lah, + 25.- , alles klar. Bim märte hät's denn gheisse das das Velo neu eigentlich 699.- chosti und er mir unwillentlich mit sinere ussag bi der beratig 650.- scho guet entgäge chund. Han i au sofort akzeptiert. Glogge, Chatzenauge und Ständer han i no übercho, alles zäme 675.- CHF + natürli Service nach 3 Mönet. Am Abig bin i halt denn mal uf d'Homepage vom Hersteller vo dem Bike velo.com, für bitz meh Infos. Und siehe da, VP: 599.- !!! Bstelle chammer das direkt uf de Homepage. Han sofort es Mail gschriebe am Velohändler und warte mal ab, was da für feedback zrugg chund. Mal luege ob mer's denn am Mittwuch würkli gönd ga hole, oder ob mer das gschnell über velo.com bstellet. |
3 Kommentare:
Sehr geehrter Herr X
Das MTB Cycletech Kindervelo Moskito kostet auch bei uns CHF 599.00.
Unser Mitarbeiter, Herr Y, hat Ihnen bei der Beratung den letztjährigen Preis genannt - ohne irgendwelchen bösen Absichten. Bitte entschuldigen Sie sein Versehen.
Unser Ziel ist es, zufriedene Kunden zu haben; wir wollen niemanden "übers Ohr hauen".
Für die Unannehmlichkeiten, die Ihnen zugekommen sind, bitte ich um Entschuldigung und versichere Ihnen, dass Sie nicht mehr als der EVP bezahlen müssen.
Mit freundlichen Grüssen
The Bike Store
Tönt guet, am Mittwuch gömmer s'Velo ga hole ;)
De ersti idruck vom Lade isch bestätigt worde - Top und sehr empfehlenswert ;)
Kommentar veröffentlichen